Ардчилсан намаас Улсын Их Хуралд сонгогдсон 26 гишүүн хамтран хүүхдийн талаар олон улсын конвенци, тунхаглал, холбогдох баримт бичгүүд болон Монгол Улсын Үндсэн хуулийг иш үндэс болгон улс орны ирээдүйн хөгжлийг хангах гол нөөц, хүч болох хүүхдийг хөгжүүлэх, хамгаалах, тэдний эрүүл чийрэг хүн болж өсч бойжих, сурч боловсрох, аж төрөх таатай нөхцөлийг бүрдүүлэх зорилгоор санаачилсан “Хүүхдийн эрхийн тухай хуулийн хэрэгжилтийг хангах зарим арга хэмжээний тухай” Улсын Их Хурлын тогтоолын төслийг боловсруулах ажлын хэсгийг байгуулсан.
Ажлын хэсэг өнөөдөр /2024.10.10/ хуралдлаа. Тус хуралд УИХ-ын гишүүн, Хууль зүй, Дотоод хэрийн сайд О.Алтангэрэл ирж мэдээлэл өглөө.
