Ерөнхий сайд тодорхой сэдвээр УИХ-ын гишүүдэд мэдээлэл хийх ёстой. Гэвч өмнөх парламентад үзүүлж байсанчлан шинэ парламентын эхний мэдээлэлд өөрийн биеэр ирсэнгүй. Өнөөдрийн байдлаар манай улсын эдийн засаг, улсын төсвийн орлого уул уурхайн бүтээгдэхүүний экспортын орлогоос хэт хамааралтай болсон бөгөөд үүнийг дагасан төсвийн зарлагын хэт тэлэлт бий болсон. Төмөр замын хил холболт төлөвлөсөн хугацаанд биелэхгүй тохиолдолд ирээдүйд тооцсон орлого тасалдаж эдийн засаг, төсөвт эрсдэл үүсгэхээр байгааг Монгол Улсын 2025 оны төсвийг батлахаар хэлэлцэж буй энэ үед эрх баригчид та бүхэнд анхааруулж байна. “Шинэ Сэргэлтийн Бодлого”-д тусгагдсан боомтын сэргэлтийн бодлогын хэрэгжилтийн талаар Улсын Их Хурлын чуулганы нэгдсэн хуралдаанд Монгол Улсын Ерөнхий Сайдын хийх мэдээлэлтэй холбогдуулан Улсын Их Хурал дахь Ардчилсан намын бүлгээс өгч буй дүгнэлт