Гадаад валютын албан нөөцөөр маргалдах шаардлага байхгүй. Сүүлийн дөрвөн жилд 100 тонн алт авсан байх. Ардчилсан нам 2015 онд АМНАТ-ыг 2.5 болгож батлуулсны хүчинд ингэж яваа.

Банкны салбар маш эмзэг. Ард түмний итгэлцэл дээр тогтдог. Саяхан нэг улс төрч банк дампууруулан 40 саяар торгуулаад татвар төлөгчдийн нуруун дээр 300-400 тэрбум төгрөгийн өр үлдээсэн.

Монгол банкны Ерөнхийлөгч Ардчилсан намын бүлэгт мэдээлэл өгөх хэрэгтэй. Мөн ажлын хэсэгт манай бүлгээс гишүүн оруулаагүй байна. Банкны хууль алдаатай гарвал эдийн засгаа татаж унагаах ч магадлалтай.Ковид гээд хүндрэл их байхад тодорхой арга хэмжээг авч чадахгүй байна.Тус хуулийг ажлын хэсэг, байнгын хороогоор сайн ярилцаж нягтлах шаардлагатай гэж үзэж байна. Ингээд Монгол УИХ-ын тухай хуулийн 33 дугаар зүйлийн 33.1.4, Монгол УИХ-ын чуулганы хуралдааны дэгийн хуулийн 15 дугаар зүйлийн 15.1-т тус тус заасныг үндэслэн Банкны тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүдийг хэлэлцэх асуудалд тав  хоногийн завсарлага авах хүсэлтэй байна.

2021-01-14